தமிழ் සිංහල English
Breaking News

உலகில் அதிக பாலியல் குற்றங்கள் நடக்கும் 10 நாடுகள், இந்தியாவிற்கு எந்த இடம்?

உலகில் அனைத்து நாடுகளிலும் தற்சமயம் பாலியல் குற்றங்கள் அதிகமாகி வருகின்றன. ஆனால் பாலியல் குற்றங்களை கணக்கிடுவதில் சில சிக்கல்கள் உள்ளன. பாலியல் மற்றும் கற்பழிப்பு குற்றங்களின் கணக்கீடானது ஒவ்வொரு நாட்டின் கலாச்சாரம், மற்றும் மக்களின் மனநிலையை பொறுத்து மாறுப்படுகிறது.

சில நாடுகளில் கற்பழிக்கப்பட்ட அல்லது பாலியல் தொந்தரவுக்கு உள்ளாக்கப்பட்ட பெண்கள் இழிவானவர்களாக பார்க்கப்படுவார்கள், குடும்பத்தால் நிராகரிக்கப்படுகிறார்கள் எனவே அந்த அச்சம் காரணமாகவே அதிகமான பாலியல் குற்றங்கள் பதிவு செய்யப்படுவதில்லை.

சில நாடுகளில் திருமணமான பெண்களுக்கு அவர்களின் கணவர்களால் நடத்தப்படும் பாலியல் தொந்தரவுகள் மற்றும் கற்பழிப்புகள் கவனிக்கப்படுவதில்லை. உலகின் அதிக பாலியல் குற்றங்கள் கொண்ட முதல் 10 நாடுகளின் இந்த பட்டியல் பதிவுசெய்யப்பட்ட குற்றங்களை பொறுத்து வரிசைப்படுத்தப்பட்டுள்ளது.

அமெரிக்கா, கனடா, ஸ்வீடன், மற்றும் லண்டன் உள்ளீட்ட வளர்ந்த நாடுகளிலேயே பாலியல் குற்றங்கள் அதிகமாக நடக்கிறது. உலகில் உள்ள பெண்களில் சுமார் 36 சதவீதம் பெண்கள் உடல் ரீதியாகவும், மன ரீதியாகவும் பாலியல் வன்முறைக்கு ஆளாகிறார்கள்.

உலகின் மிகப்பெரும் வல்லரசு நாடான அமெரிக்காவில் 12 முதல் 16 வயதுக்குட்ப்பட்ட சிறுமிகளில் 83 சதவீதம் சிறுமிகள் பொதுப்பள்ளிகளில் பாலியல் துன்புறுத்தலுக்கு உள்ளாகுகின்றனர். இங்கிலாந்தில் 16 முதல் 59 வயதிற்க்குள் உள்ள பெண்களில் ஐந்தில் ஒருவர் பாலியல் வன்முறைக்கு உள்ளாகின்றனர்.

2020 கணக்குப்படி உலகில் அதிகம் பாலியல் வழக்குகள் பதிவான முதல் 10 நாடுகளை பார்ப்போம்.

10.டென்மார்க் மற்றும் பின்லாந்த்

ஐரோப்பாவில் உள்ள மொத்த பெண்களில் மூன்றில் ஒருவர் பாலியல் கொடுமைக்கு உள்ளாகின்றனர். மற்றும் ஐந்து சதவீத பெண்கள் பாலியல் பலாத்காரத்திற்கு உள்ளாகின்றனர்.

ஐரோப்பாவில் உள்ள மக்களின் அடிப்படை உரிமைகளுக்கான நிறுவனம் ஒன்று 2014 ஆம் ஆண்டு பாலியல் குறித்து ஆய்வு ஒன்றை செய்து அதை வெளியிட்டது.

அந்த கணக்கெடுப்பின்படி பின்லாந்து பெண்களில் சுமார் 47 சதவீத பெண்கள் உடல் ரீதியான பாலியல் வன்கொடுமைக்கு ஆளானதாக கூறப்படுகிறது.

திருமணம் செய்து ஒரு பெண்ணின் விருப்பமில்லாமல் அவர்களோடு உடலுறவு கொள்வதையும் தவறு என அறிவித்துள்ளது பின்லாந்த். அதன்படி 1994 முதல் திருமண கற்பழிப்பு சட்ட விரோதமாகவும் தண்டனைக்குரிய குற்றமாகவும் அறிவிக்கப்பட்டது.

அப்படியும் அந்த நாட்டு பெண்களில் 10 இல் ஒருவர் 15 வயது ஆவதற்கு முன்பே வயது வந்தவர்களால் பாலியல் வன்முறைக்கு ஆளாகின்றனர். 20 பெண்களில் ஒருவர் பாலியல் பலாத்காரம் செய்யப்படுகிறார். இப்படியாக பாலியல் வன்முறைக்கு உள்ளாகும் பெண்களில் 13 சதவீத பெண்கள் மட்டுமே இந்த கொடுமைகளை போலீஸில் சொல்கின்றனர்.

09.ஜிம்பாப்வே

உலகில் அதிகம் பாலியல் குற்றங்கள் உள்ள நாடுகளில் ஜிம்பாப்வே ஒன்பதாவது இடத்தில் உள்ளது.

ஜிம்பாப்வேயின் கணக்கெடுப்பின்படி ஒவ்வொரு 90 நிமிடங்களுக்கும் ஒரு பெண் அங்கு பாலியல் பலாத்காரம் செய்யபடுகிறார். சமீபத்திய புள்ளி விவரங்கள் படி ஒரு மாதத்திற்கு சராசரியாக 500 பெண்கள் பாலியல் வன்கொடுமைகளுக்கு ஆளாகின்றனர்.

ஒரு நாளைக்கு சுமார் 16 பெண்கள் பாலியல் பலாத்காரம் செய்யப்படுகின்றனர். ஜிம்பாப்வேயில் இந்த வருடத்தின் முதல் மூன்று மாதங்களில் மட்டும் 1524 பாலியல் வழக்குகள் பதிவாகியுள்ளன. போன வருடம் இதே நேரத்தில் 1285 வழக்குகள் பதிவாகியிருந்தன.

இதில் 5 முதல் 10 வயதுக்குட்பட்ட சிறுமிகள் 276 பேரும், 11 முதல் 16 வயதுக்குட்பட்ட பெண்கள் 780 பேரும் உள்ளனர். ஆனால் பல வழக்குகள் பதிவு செய்யப்படுவதில்லை என்பதால் எண்ணிக்கை இன்னும் அதிகமாக இருக்கலாம் என யூகிக்கப்படுகிறது.

யுனிசெஃப் அமைப்பின் கூற்றுப்படி ஜிம்பாப்வேயில் சிறார் கற்பழிப்பு 42 சதவீதம் அதிகரித்துள்ளதாக கூறுகிறது. சிறார் பாலியல் பலாத்காரம் எண்ணிக்கை 2010 இல் 2192 ஆக இருந்தது. ஆனால் 2014 இல் எண்ணிக்கை 3112 ஆக உயர்ந்துள்ளது.

08.ஆஸ்திரேலியா

கடந்த ஆண்டில் மட்டும் 18 வயதுக்கு மேற்பட்ட பெண்களில் 51,200 பேர் பாலியல் வன்கொடுமைக்கு ஆளாகியுள்ளனர். பாலியல் வன்கொடுமைக்கு ஆளானவர்களில் மூன்றில் ஒரு பங்கு அதாவது 30 சதவீத பெண்கள் மட்டுமே காவல்துறையில் வழக்கு பதிவு செய்கின்றனர்.

நியூஸ்.காம் என்னும் பத்திரிக்கையின் அறிக்கைப்படி ஆஸ்திரேலிய நாடுகளில் ஆறில் ஒரு பெண் பாலியல் பலாத்காரத்திற்கு உள்ளாகிறார். உலகளாவிய ஆய்வில் பாலியல் பலாத்காரத்தில் நியுசிலாந்தும் ஆஸ்திரேலியாவும் சேர்த்து மூன்றாவது இடத்தை பிடித்தது.

இந்த பாலியல் வன்முறைகள் 70 சதவீதம் குடும்ப உறுப்பினர்கள், நண்பர்கள், சக பணியாளர்கள் மற்றும் பள்ளி நண்பர்கள் மூலமே நடக்கிறது.இதுக்குறித்து என்.எஸ்.டபுள்யூ கற்பழிப்பு தடுப்பு மையத்தின் நிர்வாகி கரேன் வில்லிஸ் கூறும்போது “29 சதவீத கற்பழிப்புகள் சமூகத்தில் பெண்கள் அவர்கள் சந்திக்கும் நபர்கள் மூலமாகவே நடப்பதாக கூறிகிறார்”. 1 சதவீத கற்பழிப்புகள் மட்டுமே வெளி நபர்களால் நடக்கின்றன.

07.கனடா

பாலியல் வன்கொடுமைகள் அதிகமாக பதிவான நாடுகளில் கனடாவும் ஒன்று. குறுகிய காலத்தில் அதிகமான அளவு பாலியல் குற்றங்கள் கனடாவில் பதிவாகியுள்ளது.

ஹஃப்பிங் போஸ்ட் பத்திரிக்கை இதுக்குறித்து கூறும்போது, கனடாவில் ஒவ்வொரு ஆண்டும் 4,60,000 பாலியல் குற்றங்கள் பதிவாகின்றன. ஒவ்வொரு 1000 பாலியல் கொடுமைகளிலும் 33 குற்றங்கள் மட்டுமே போலிஸிடம் வருகிறது. அதில் 29 வழக்குகள் மட்டுமே பதிவு செய்யப்படுகின்றன.

நான்கு வட அமெரிக்க பெண்களில் ஒருவர் தன் வாழ்நாளில் ஒரு முறையாவது பாலியல் வன்கொடுமைக்கு ஆளாகின்றனர். இந்த வன்கொடுமையின் விளைவாக 11 சதவீதம் பெண்களுக்கு உடலில் காயங்கள் ஏற்படுகிறது.

புள்ளி விவரங்களின்படி 6 சதவீத குற்றங்கள் மட்டுமே வழக்கு பதிவு செய்யப்படுகின்றன.

வன்கொடுமையை பொறுத்தவரை அதிகப்பட்சம் அவர்கள் வீட்டிலேயே நடக்கின்றன. வன்கொடுமைக்கு ஆளாகுபவர்களில் 80 சதவீதம் தனது குடும்ப உறுப்பினர்கள், நண்பர்கள் மூலமே பாலியல் வன்கொடுமைக்கு ஆளாகுகின்றனர்.

இதில் மிகவும் மோசமான விஷயம் என்னவென்றால் ஊனமுற்ற பெண்களில் கூட 83 சதவீதம் பேர் பாலியல் வன்கொடுமைக்கு ஆளாகின்றனர்.

கனடாவில் பாலியல் வன்முறைக்கு ஆளாகுபவர்களில் 16 வயதிற்கும் கீழ் உள்ள ஆண்கள் 15 சதவீதமும், பெண்கள் 17 சதவீதமும் உள்ளனர்.

06.நியுசிலாந்து

தி ரோஸ்ட் பஸ்டர்ஸ் என்னும் குழுவால் 2013 ஆம் ஆண்டு நியுசிலாந்தின் கற்பழிப்பு குறித்த உண்மைகள் வெளியாகின. மேற்கு ஆக்லாந்தை சேர்ந்த ஒரு இளைஞர் கூட்டம் தங்களை த ரோஸ்ட் பஸ்டர்ஸ் என அழைத்துக்கொண்டது.

இவர்கள் சிறுமிகளுக்கு போதை பொருட்களை கொடுத்து அவர்களை பாலியல் பலாத்காரம் செய்ததாக கூறப்படுகிறது.

பிரிட்டனின் மருத்துவ இதழான லான்செட்டின் அறிக்கைப்படி “உலகில் சராசரியாக பாலியல் குற்றங்கள் நடக்கும் நாடுகளில் தற்சமயம் நியுசிலாந்தில் குற்றங்கள் அதிகரித்துள்ளது. ஆஸ்திரேலியாவையும் நியுசிலாந்தையும் சேர்த்து பார்க்கும்போது உலக அளவில் நடக்கும் பாலியல் வன்கொடுமைகளில் 16.4 சதவீதம் இங்குதான் நடக்கிறது.

இதுக்குறித்து நியுசிலாந்து நிதி அமைச்சர் கூறும்போது “ஒவ்வொரு இரண்டு மணி நேரத்திற்கு ஒருமுறை நியுசிலாந்தில் பாலியல் வன்கொடுமை நடக்கிறது. 16 வயதுக்குட்பட்டவர்களில் மூன்றில் ஒரு பங்கு சிறுமியும், ஆறில் ஒரு பங்கு சிறுவரும் பாலியல் வன்கொடுமைக்கு ஆளாகின்றனர்.

பாலியல் தாக்குதல்கள் ஒரே ஆண்டில் 15 சதவீதம் அதிகரித்துள்ளது. நூறில் ஒன்பது சதவீத வழக்குகளே நியுசிலாந்தில் பதிவாகியுள்ளது. அவற்றில் 13 சதவீத வழக்குகள் மட்டுமே தண்டனை பெறும் குற்றங்களாக உள்ளன. கிட்டத்தட்ட 91 சதவீத கற்பழிப்பு குற்றங்கள் கணக்கிலேயே இல்லாமல் போகிறது.

05.இந்தியா

பாலியல் வன்கொடுமைகளும் கற்பழிப்புகளும், இந்தியாவில் மிகப்பெரிய பிரச்சனையாகும். தேசிய குற்ற பிரிவின் (என்.சி.ஆர்.பி) கூற்றுப்படி 2010 ஆம் ஆண்டு முதல் இந்தியாவில் பாலியல் குற்றங்கள் 7.5 சதவீதம் அதிகரித்துள்ளது.

130 கோடி மக்கள் வாழும் இந்தியாவில் 2012ல் 24,923 ஆக இருந்த பாலியல் பலாத்காரங்களின் எண்ணிக்கை 2013 இல் 33,707 ஆக உயர்ந்துள்ளது. பாலியல் பலாத்காரங்களுக்கு உள்ளானவர்களில் 18 முதல் 30 வயது வரை உள்ள பெண்களே அதிகம் பாதிக்கப்படுகின்றனர்.

பாலியல் பலாத்காரத்திற்கு உள்ளானவர்களில் மூன்றில் ஒருவர் 18 வயதுக்கு கீழ் உள்ளவராகவும், பத்தில் ஒருவர் 14 வயதுக்கு குறைவானவராகவும் இருக்கிறார்கள். இந்தியாவில் ஒவ்வொரு 20 நிமிடத்திற்கு ஒருமுறையும் ஒரு பெண் பாலியல் குற்றத்துக்கு உள்ளாகிறார்.

2013 புள்ளி விவரங்கள் படி இந்தியாவில் நகரங்களிலேயே அதிகம் கற்பழிப்பு நடக்கின்றன. மொத்தமாக கற்பழிப்பு வழக்குகளில் புது டெல்லி (1,636), மும்பை (391), ஜெய்ப்பூர் (192), புனே (171) ஆகியவை அதிகமாக கற்பழிப்பு நடந்த நகரமாக உள்ளன.

ஒவ்வொரு நாளும் சராசரியாக 11 கற்பழிப்பு வழக்குகள் பதிவாகின்றன. மாநில வாரியாக பார்க்கும்போது மத்திய பிரதேசம் முன்னிலையில் உள்ளது. மத்திய பிரதேசம் (3,285), ராஜஸ்தான் (3,285), மகாராஷ்ட்ரா (3,063), உத்திர பிரதேசம் (3,050) கற்பழிப்புகள் பதிவாகியுள்ளன.

இந்தியாவில் தினமும் சராசரியாக 93 பெண்கள் பாலியல் பலாத்காரம் செய்யப்படுகின்றனர். இவ்வாறு பலாத்காரம் செய்பவர்களில் அதிகப்பட்சம் அவர்களுக்கு தெரிந்தவர்களாகவே (31,807) உள்ளனர்.

அதில் அண்டை அயலவர்கள் (10,782), பிற நபர்கள் (18,171), உறவினர்கள் (2315), பெற்றோர்கள் (539) பேர் உள்ளனர்.

உலகின் பிற நாடுகளை போலவே இந்தியாவிலும் பெரும்பாலான கற்பழிப்புகள் பதிவு செய்யப்படுவதில்லை. மடிஹா கார்க் என்பவரின் கூற்றுப்படி இந்தியாவில் 54 சதவீத கற்பழிப்புகள் பதிவு செய்யப்படுவதில்லை என கூறுகிறார். அதே சமயம் மிஹிர் ஶ்ரீ வாஸ்தவா என்னும் பத்திரிக்கையாளர் கூறும்போது 90 சதவீத கற்பழிப்புகள் இந்தியாவில் பதிவு செய்யப்படுவதில்லை என கூறுகிறார்.

04.இங்கிலாந்து மற்றும் வேல்ஸ்

யுனைடெட் கிங்டம் நாடான இங்கிலாந்தில் பாலியல் சார்ந்த சட்டங்கள் மற்ற நாடுகளில் இருந்து மாறுப்படுகிறது. இதனால் பாலியல் குற்றங்கள் அதிகமாகவே அங்கு நடக்கிறது.

2013 ஆம் ஆண்டு இங்கிலாந்து நீதி அமைச்சகம் (எம்.ஒ.ஜே), தேசிய புள்ளிவிவரம் (ஒ.என்.எஸ்) மற்றும் உள்துறை அலுவலகம் இணைந்து “இங்கிலாந்து மற்றும் வேல்ஸின் பாலியல் குற்றச்சாட்டுகள்” என்கிற பெயரில் வெளியிட்ட அறிக்கையில் “இங்கிலாந்து மற்றும் வேல்ஸில் வருடத்திற்கு சுமார் 85,000 பேர் பாலியல் பலாத்காரத்திற்கு ஆளாகின்றனர் என தெரிந்தது.

அதில் 73,000 பேர் பெண்களாகவும் 12,000 பேர் ஆண்களாகவும் உள்ளனர். அதாவது சராசரியாக ஒரு நாளைக்கு 230 வழக்குகள் பதிவாகின்றன. பாலியல் வன்முறைக்கு உள்ளாகும் 5 பெண்களில் ஒருவர் பதினாறு வயதுக்கு குறைந்தவராக உள்ளார்.

பிரபல பத்திரிக்கை நிறுவனமான பிபிசி வெளியிட்ட அறிக்கையின்படி, இங்கிலாந்தில் அதிகப்படியான பாலியல் குற்றங்கள் பதிவு செய்யப்பட்டுள்ளன. மொத்தமாக நடக்கும் குற்றங்களில் 29 சதவீதம் பாலியல் குற்றங்களாக உள்ளன.

03.அமெரிக்கா

உலக வல்லரசு நாடான அமெரிக்கா பாலியல் குற்றத்தில் மூன்றாவது இடத்தில் இருப்பது கவலையளிக்கும் விஷயமாகும்.

உலகளாவிய பாலியல் வன்முறை குறித்த புள்ளி விவரங்களை ஜார்ஜ் மேசன் பல்கலைகழகம் வெளியிட்டது. அதன்படி 3 அமெரிக்க பெண்களில் ஒருவர் தன் வாழ்நாளில் ஒரு முறையாவது பாலியல் வன்முறைக்கு உள்ளாகிறார்கள்.

மொத்த அமெரிக்காவில் சுமார் 19.3 சதவீதம் பெண்களும் 2 சதவீதம் ஆண்களும் பாலியல் வன்கொடுமைக்கு ஆளாகிறார்கள். ஒரு ஆண்டுக்கு 12 வயது மற்றும் அதற்கு மேற்ப்பட்டவர்கள் சராசரியாக 2,93,000 நபர்கள் பாலியல் வன்கொடுமைக்கு ஆளாகிறார்கள்.

அமெரிக்காவில் 68 சதவீத மக்கள் பாலியல் வன்கொடுமைகள் குறித்து வழக்கு பதிவு செய்வதில்லை.

கல்லூரி வயதில் கற்பழிப்பு:

சராசரியாக ஒரு வருடத்திற்கு 65,668க்கும் மேற்பட்ட கல்லூரி வயது பெண்களும் 2,866க்கும் மேற்பட்ட கல்லூரி வயது ஆண்களும் பாலியல் வன்கொடுமைக்கு ஆளாகின்றனர். கல்லூரி வயது பெண்களில் கால்வாசி பேர் 14 வயதில் இருந்தே பாலியல் வன்கொடுமைக்கு ஆளாகின்றனர்.

பிற வயது பெண்களுடன் ஒப்பிடுகையில் 18 முதல் 24 வயது வரை உள்ள பெண்கள் அதிகமாக பாதிக்கப்படுகின்றனர். மொத்தமாக நடக்கும் பாலியல் வன்கொடுமைகளில் 16 சதவீதம் மட்டுமே வழக்குகளாக பதிவாகுகின்றன.

மாணவர்களாக அல்லாத கிராமப்புர பெண்கள் மாணவ வயதுடையவர்களை விட இருமடங்கு அதிகமாகவே பாலியல் வன்கொடுமைக்கு ஆளாகிறார்கள்.

அமெரிக்க சிறைகளில் கற்பழிப்புகள்:

அமெரிக்க நீதித்துறையின் கூற்றுப்படி ஆண்டுக்கு 2,16,000 சிறைக்கைதிகள் பாலியல் பலாத்காரத்திற்கு ஆளாகிறார்கள். சமீபத்திய தேசிய கணக்கெடுப்பின் படி சிறையில் உள்ளவர்களில் 3.2 சதவீத கைதிகளும், சிறார் பிரிவில் 9.5 சதவீத கைதிகளும் பாலியல் வன்கொடுமையால் பாதிக்கப்படுகின்றனர்.

7 சதவீத பெண் கைதிகள் மற்ற கைதிகளால் பாலியல் வன்முறைக்கு உள்ளாகிறார்கள்.

02.ஸ்வீடன்

தென்னாப்பிரிக்காவிற்கு அடுத்ததாக ஸ்வீடன் பாலியல் வன்கொடுமைகள் அதிகம் நடக்கும் நாடுகளில் இரண்டாவது இடத்தில் உள்ளது. ஸ்வீடன் புள்ளிவிவர ஆய்வுப்படி 4 ஸ்வீடன் பெண்களில் ஒருவர் பாலியல் வன்கொடுமைக்கு உள்ளாகிறார். கற்பழிப்புகளின் எண்ணிக்கை ஸ்விடனில் அதிகமாக உள்ளது.

1975 ஆன் ஆண்டு கற்பழிப்பு வழக்கு என போலீஸில் பதிவானவை மொத்தம் 421 வழக்குகள் மட்டுமே. ஆனால் 2014 இல் 6620 வழக்குகள் பதிவாகியுள்ளன. அதாவது கிட்டத்தட்ட 1472 சதவீதம் பாலியல் குற்றங்கள் அதிகரித்துள்ளது. இது மிக குறைந்த எண்ணிக்கையாக உங்களுக்கு தெரியலாம். ஆனால் ஒரு கோடி மக்களை மட்டுமே மக்கள் தொகையாக கொண்டு வாழும் ஒரு நாட்டில் இது மிக மிக அதிகமான எண்ணிக்கை ஆகும்.

எனவே உலகில் ஸ்வீடன் பெண்கள் வாழ்வதற்கு உகந்த நாடு அல்ல என அறியலாம். ஐரோப்பாவை விட கூடுதலான விகித அளவில் ஸ்வீடனில் கற்பழிப்புகள் நிகழ்கின்றன.

ஸ்வீடன் வக்கீல்களின் கூற்றுப்படி, ஸ்வீடன் பெண்களில் மூன்றில் ஒருவர் பதின்ம வயதை கடக்கும் முன்பே பாலியல் வன்கொடுமைக்கு உள்ளாகிறார். 2013 ஆம் ஆண்டு ஸ்டாக் ஹோமில் புலம் பெயர்ந்து வந்த இஸ்லாமியர்களால் 1000க்கும் மேற்பட்ட ஸ்வீடன் பெண்கள் பாலியல் பலாத்காரம் செய்யப்பட்டனர்.

அவர்களில் 300க்கும் மேற்பட்ட பெண்கள் 15 வயதிற்கும் குறைந்தவர்கள் என கூறப்படுகிறது.

01.தென்னாப்பிரிக்கா

ஒவ்வொரு ஆண்டும் 5 லட்சம் கற்பழிப்பு வழக்குகள் பதிவாகி வரும் தென்னாப்பிரிக்காவே உலகின் அதிகப்படியான பாலியல் குற்றங்கள் நடக்கும் நாடுகளில் முதல் இடத்தில் உள்ளது.

தென்னாப்பிரிக்க பெண்களில் 40 சதவீதத்துக்கும் அதிகமான பெண்கள் தங்கள் வாழ்நாளில் பாலியல் வன்கொடுமைக்கு ஆளாகிறார்கள். அங்கு நடக்கும் 9 கற்பழிப்புகளில் 1 மட்டுமே பதிவு செய்யப்படுவதாக மருத்துவ ஆராய்ச்சி கவுன்சில் கூறுகிறது.

அப்படி பார்க்கும்போது தென்னாப்பிரிக்காவில் பதிவான குற்றத்தை விட 8 மடங்கு அதிகமாகவே பாலியல் குற்றங்கள் நடந்திருக்க கூடும்.

Share this post:

Recent Posts